Ulttyq quryltaı ashyq ári tıimdi dıalog alańyna aınalýda - Erlan Qarın

ASTANA. QazAqparat – Ulttyq quryltaı eldiń ótinish-tilekterin jınaıtyn kommýnıkatsııanyń ártúrli formattaryn paıdalaný arqyly ashyq ári tıimdi dıalog alańyna aınalýda. Bul týraly QR Memlekettik keńesshisi Erlan Qarın telegram kanalynda jazdy, dep habarlaıdy QazAqparat.

«Ulttyq quryltaı – Prezıdent janyndaǵy negizgi konsýltatıvtik-keńesshi organ. Memleket basshysy bul uıymdy qurý týraly bastamany ótken jylǵy Joldaýynda kótergen bolatyn. Ulttyq quryltaıdyń quramyna elimizge belgili qoǵam qaıratkerleri jáne sarapshylarmen qatar, óńirlerdegi azamattyq qoǵamnyń belsendi ókilderi múshe bop kirdi. Qazirgi ýaqytta Ulttyq quryltaı Memleket basshysynyń qoǵam belsendilerimen jáne sarapshylarmen aradaǵy tikeleı dıalogyn ornatyp, ony damytyp otyr. Mysaly, búgin Prezıdent Ulttyq quryltaıdyń múshesi, Qoldanbaly etnosaıası zertteýler ınstıtýtynyń dırektory Talǵat Qalıevpen kezdesti. Kezdesýde saraptamalyq qurylymdardyń jumysy men qoldanbaly zertteýler júrgizýge qatysty máseleler talqylandy. Buǵan deıin Prezıdent Ulttyq quryltaıdyń T. Áýbákirov, S. Aqylbaev, A. Baımenov, R. Batalov, B. Іzmuhambetov, J. Kúlekeev, S. Hýdıakov, I. Saljanov, D. Turlyhanov sekildi basqa da múshelerimen dál osyndaı kezdesýler ótkizgen bolatyn», - dep jazdy E. Qarın.

Sondaı-aq ol byltyrǵy jyldyń jeltoqsan aıynda Quryltai mobıldi qosymshasy iske qosylǵanyn jetkizdi.

«Azamattar bul platformaǵa qoǵamdaǵy ózekti máseleler jónindegi óz oılary men usynystaryn joldaı alady. Budan bólek, «Habar» telearnasynda «Ulttyq quryltaı» atty arnaıy baǵdarlama kórsetiledi. Oǵan ár kezde ártúrli óńir qosylady. Baǵdarlamada Ulttyq quryltaı músheleri men sarapshylar elimizdi damytýǵa yqpal etetin usynystardy talqylaıdy. Solaısha, Ulttyq quryltaı eldiń ótinish-tilekterin jınaıtyn kommýnıkatsııanyń ártúrli formattaryn paıdalaný arqyly ashyq ári tıimdi dıalog alańyna aınalýda», - dep tolyqtyrdy ol.

Eske salsaq, ótken jyly 16 maýschymda Memleket basshysy Qasym-Jomart Toqaevtyń qatysýymen Ulttyq quryltaıdyń I otyrysy ótti. Ulttyq quryltaıdyń ózegi bolatyn úsh qundylyq ataldy.

Foto: akorda.kz