Ulttyq qundylyqtardy saqtaý - memlekettik saıasatyń basym baǵyttarynyń biri
Bul týraly Memleket basshysy «Qazaqstan-2050» Strategııasynda: «Biz ózimizdiń ulttyq mádenıetimiz ben dástúrlerimizdi osy áralýandyǵymen jáne ulylyǵymen qosyp qorǵaýymyz kerek, mádenı ıgiligimizdi bólshektep bolsa da jınastyrýymyz kerek», dep atap kórsetti.
Elimizdegi barlyq ulttardyń ózindik ereksheligin saqtaı otyryp, qazaq tilin, mádenıet pen dástúrdi damytý strategııalyq basymdyq retinde belgilenip, búginde memleket tarapynan naqty iske asýda.
Eski Keńestik júıeniń ydyrap, táýelsiz memleketimizdiń negizi qalanyp jatqan ýaqytta talaı muralarymyzdan aırylyp qalǵanymyz da ras. Barymyzdy túgendeý maqsatynda 2004 jyly Qazaqstan respýblıkasynyń Prezıdentiniń tikeleı bastamasymen rýhanııatymyzdyń damýyna birden-bir zor úles qosqan, teńdesi joq «Mádenı mura» memlekettik baǵdarlamasy iske asyrylyp, mádenı tarıhı qundylyqtarymyzdy izdestirý, jınaqtaý, saqtaý, zertteý jáne nasıhattaý salasynda kóptegen tyńǵylyqty ister atqaryldy. Bul baǵyttaǵy jumystar áli de jalǵasýda. «Mádenı mura» baǵdarlamasynyń mıssııasy aýqymy, abyroıy jaǵynan tarıhı qubylysqa aınaldy deýge bolady.
Táýelsiz elimizde eldikti máńgilik eter, rýhanı jáne zattaı bolmysymyzdy jańǵyrtar, ulttyń genetıkalyq kody bolyp sanalatyn mádenıetimiz ben dástúrimizdi aıǵaqtaıtyn ulttyq qundylyqtyr jaıly sóz etkende kezek kúttirmeı sheshýdi qajet eter ózekti máselelerdiń qordalanyp qalǵandyǵyn kóremiz.
Olardyń qataryna qoǵamda ulttyq qundylyqtardy tanyp-bilý jáne ony dáripteý deńgeıiniń jetkiliksizdigi, ulttyq qundylyqtardy nasıhattaý jáne kópshilikke taratý boıynsha aqparattyq jumys qazirgi zamannyń saıası jáne ıdeologııalyq jumysynyń krıterıılerine sáıkes kelmeıtindigi, ulttyq mádenı is-sharalarmen halyqty qamtý deńgeıiniń jetkiliksizdigi jáne sol sııaqty taǵy da basqa máseleler bar.
Osy oraıda, elimizde jáne shetelderde Qazaqstannyń «Uly dala eli» retindegi ımıdjin qalyptastyrý boıynsha jumystardy úılestirý, Eýrazııalyq keńistiktegi kóshpeli mádenıet murageri retinde qazaq mádenıetiniń ulttyq brendin qalyptastyrý jáne ony halyqaralyq deńgeıde ilgeriletý, ulttyq qundylyqtardy saqtap, odan ári damytý úshin qolaıly jaǵdaı jasaý, ulttyq qundylyqtardy dáripteýge baǵyttalǵan is-sharalarǵa azamattyq qoǵam ókilderi men bıznes qaýymdastyqtaryn tartý, jastardy qazaqstandyq otan súıgishtik rýhynda, joǵary áleýmettik-mádenı jáne moraldy-adamgershilik qasıetterdi qalyptastyrý baǵytynda tárbıeleý boıynsha aýqymdy jumystar júrgizý qajet.
Elbasynyń «Qazaqstan joly-2050: Bir maqsat, bir múdde, bir bolashaq» atty Joldaýynda: «Tolyq órkenıetti el bolý úshin aldymen óz mádenıetimizdi, óz tarıhymyzdy boıymyzǵa sińirip, sodan keıin ózge dúnıeni ıgerýge umtylǵanymyz jón», - dep atap kórsetildi. Olaı bolsa, jas urpaqty ulttyq ıgilikter men adamı qundylyqtar, rýhanı-mədenı muralar sabaqtastyǵyn saqtaı otyryp tárbıeleý kerektigi búgingi kúnniń mańyzdy máseleleriniń biri bolyp otyr.