Ulttyq korporatıvtik basqarý kodeksi daıyndalady

NUR-SULTAN. QazAqparat – Qarjy naryǵyn retteý jáne damytý agenttigi Úkimetpen birlesip, bıyl Ulttyq korporatıvtik basqarý kodeksi daıyndaıdy, dep habarlaıdy QazAqparat tilshisi.

«Kompanııalardyń qor naryǵyna shyǵýy úshin kompanııalardyń ashyqtyǵy men korporatıvtik basqarý sapasyn arttyrý júıelik shara bolyp tabylady. Osy maqsatta Úkimetpen birlesip bıyl Ulttyq korporatıvtik basqarý kodeksi daıyndalady», - dedi Madına Ábilqasymova Úkimet otyrysynda Makroekonomıkalyq saıasat sharalaryn úılestirý týraly kelisimdi talqylaý barysynda.

Onyń aıtýynsha saqtandyrý naryǵyn damytý úshin memlekettik bilim berý jınaqtaý júıesi sheńberinde saqtandyrýdy sýbsıdııalaý boıynsha zańnamalyq sharalar toptama qabyldanady. Sonymen birge «jalpy saqtandyrý» salasynyń jekelegen operatsııalaryn KJTTQ (Kiristerdi jylystatýǵa jáne terrorızmdi qarjylandyrýǵa qarsy is-qımyl) rejıminen shyǵarý josparlanyp otyr.