Ulttyq qorǵanys ýnıversıtetinde alǵash ret batalon serjanttarynyń daıarlyǵy ótti
Kýrstyń maqsaty taktıkalyq basqarý býynynyń áskerı mamandaryn daıarlaý bolyp tabylady, dep habarlaıdy QR QM baspasóz qyzmeti.
Bul rette daıyndyq bólimshelerdi jaýyngerlik basqarý negizderin, kúndelikti qyzmetti basqarý máselelerin, beıbit ýaqytta bólimshelerdiń tárbıe jáne ıdeologııalyq jumysyn zerdeleýge baǵyttalǵan.
Bir aı boıy joǵary áskerı oqý ornynyń bazasynda ótken oqytý qorytyndysy boıynsha keshendi emtıhan ótkizildi. Qorytyndy tekseristen oıdaǵydaı ótip, bilimderin rastaǵan serjanttarǵa belgilengen úlgidegi kýálikter tapsyryldy.
Qazirgi ýaqytta Qazaqstan Respýblıkasynyń Qarýly Kúshterinde serjanttardy daıarlaýǵa úlken mán berilýde. Sebebi, dál osy serjanttar korpýsy armııanyń jaýyngerlik qabilettiligin nyǵaıtý jóninde birqatar mańyzdy tapsyrmalardy oryndaıdy. Bul sarbazdardyń jeke jaýyngerlik jáne dene daıarlyǵy, áskerı tártipti ustap turý jáne áskerı qyzmetshilerdi tárbıeleý, áskerı qyzmet ótkerýdiń qaýipsiz jaǵdaılaryn qamtamasyz etý, qarý-jaraq pen áskerı tehnıkany paıdalaný. Ártúrli deńgeıdegi serjanttar korpýsynyń ókilderi úshin búginde Ulttyq qorǵanys ýnıversıteti, Sh. Ýálıhanov atyndaǵy QR QM Kadet korpýsy, sondaı-aq, QR QK áskerı bólimderiniń oqý-jattyǵý ortalyqtarynyń bazasynda tıisti oqytý kýrstary qoljetimdi bolyp tabylady.