Ulttyq qorǵa túsken 4,5 trln teńgeniń jartysy munaı sektorynan kelgen

NUR-SULTAN. QazAqparat –Qarjy mınıstri Erulan Jamaýbaev Qazaqstannyń ulttyq qoryna byltyr 4,5 trln teńge qosylǵanyn málim etti, dep habarlaıdy QazAqparat tilshisi.

«2019 jyldyń qorytyndysy boıynsha Ulttyq qor qarajaty shamamen 27,5 trln teńgeni nemese 65,5 mlrd dollardy qurady. Ótken jyly Ulttyq qorǵa shamamen 4,5 trln teńge, onyń ishinde munaı sektory uıymdarynan túsetin tikeleı salyqtar túsimderi esebinen 2,8 trln teńge tústi», - dedi Erulan Jamaýbaev Qarjy mınıstri OKQ alańynda ótken halyq aldynda esep berý kezdesýinde.

Mınıstr sonymen qatar, Úkimettiń eseptiligi men ashyqtyǵynyń basty kórsetkishteriniń biri – «Ashyq bıýdjet» tujyrymdamasyn iske asyrý ekenin aıtyp ótti.

«Ony engizýdiń maqsaty - azamattarǵa bıýdjet protsesimen tanysýǵa jáne bıýdjet qarajatynyń shyǵystaryn talqylaýǵa qatysýǵa múmkindik berý.

«Halyqtyń baqylaýyndaǵy bıýdjet» tujyrymdamasy sheńberinde azamattyq bıýdjetti túzý jáne usyný, jergilikti bıýdjetterdiń jobalaryn ázirleý máseleleri normatıvti turǵyda rettelgen. 2019 jyly Nur-Sultan qalasynyń Saryarqa aýdanynda 100 mln teńgege 14 joba boıynsha pılot ótkizildi. Bıyl 600 mln teńgege jýyq somaǵa Nur-Sultan qalasynda (barlyq aýdandar) jáne 1,4 mlrd teńgege Almaty qalasynda (8 aýdan) pılottyq jobalar engiziledi», - dedi ol.