Ulttyq qordyń ınvestıtsııalyq kirisi oń boldy – Úkimettiń keńeıtilgen otyrysy

NUR-SULTAN. QazAqparat - Naryqtyń joǵary qubylmalylyǵyna qaramastan, Ulttyq qordyń ınvestıtsııalyq kirisi oń boldy. Búgin Úkimettiń keńeıtilgen quramdaǵy otyrysynda Ulttyq bank tóraǵasy Erbolat Dosaev osylaı málim etti, dep habarlaıdy QazAqparat tilshisi.

«2020 jyly Ulttyq qordyń aktıvteri 4,8 trln teńge somasyndaǵy transfertterdiń rekord kólemine jáne 2019 jylmen salystyrǵanda túsimderdiń 2 eseden astam qysqarýyna baılanysty 58,74 mlrd AQSh dollaryna deıin 3,1 mlrd AQSh dollaryna tómendedi. Naryqtyń joǵary qubylmalylyǵyna qaramastan, Ulttyq qordyń ınvestıtsııalyq kirisi oń bolyp, 4,15 mlrd AQSh dollaryn qurady», - dedi E. Dosaev.

Onyń aıtýynsha, damýshy elder oblıgatsııalarynyń, korporatıvtik oblıgatsııalar men aktsııalardyń úlesin ulǵaıtý esebinen kiristilikti odan ári arttyrý - Ulttyq banktiń Ulttyq qordyń aktıvterin basqarý jónindegi 2021 jylǵy negizgi mindeti.