Ulttyq qordyń ınvestıtsııalyq kirisi keıingi bir aıda 455,6 mlrd teńgege artqan

ASTANA. QazAqparat – Qarjy mınıstrligi Ulttyq qorǵa jyldyń 9 aıynda qansha kiris túskeni jáne qansha aqsha paıdalanylǵany týraly esep jarııalady, dep habarlaıdy QazAqparat tilshisi.

Keste túrinde berilgen esepte 1 qyrkúıektegi Ulttyq qordyń aktıvi 27 trln 956 mlrd 883 mln 727 myń teńgege jetkeni aıtylady. Bir aı buryn bul kórsetkish 27 trln 357 mlrd 667 mln 648 myń teńge edi.

Ulttyq qordyń jyl basynan tamyz aıyna deıingi túsimi – 3 trln 48 mlrd 816 mln 777 myń teńge. Al qyrkúıektegi túsimderdiń jalpy kólemi 4 trln 98 mlrd 644 mln 181 myń teńge bolyp otyr. Demek, keıingi bir aıdaǵy túsimi 1 trln 49 mlrd 827 mln 404 myń teńge degen sóz. Onyń ishinde bir aıda munaı sektory uıymdarynan alynatyn tikeleı salyqtar retinde 591 mlrd 844 mln 153 myń teńge túsken.

Qordy basqarýdan túsken ınvestıtsııalyq kirister, ıaǵnı 2024 jyldan bastap balalar shotyna aýdarylatyn kiristiń jyl basynan bergi mólsheri 838 mlrd 665 mln 90 myń teńge bolǵan. Bir aı buryn bul soma 383 mlrd 40 mln 707 myń teńge kóleminde edi. ıAǵnı, bir aıda ınvestııatsııalyq kirisi 455 mlrd 624 mln 383 myń teńgege artqan.

1 qyrkúıektegi jaǵdaı boıynsha, jyl basynan beri Ulttyq qordan 2 trln 916 mlrd 646 mln 167 myń teńge paıdalanylǵan. Tamyz aınyda bul soma 2 trln 466 mlrd 34 mln 842 myń bolatyn. Demek, bir aıda paıdalanylǵan soma 450,6 mlrd teńgege jetip otyr.