Ulttyq qordy basqarý saıasatyna ózgeris engizilmek

NUR-SULTAN. QazAqparat – QR Ulttyq ekonomıka mınıstri Álibek Qýantyrov 2022 jyly Ulttyq qor transfertterine qatysty túsinik berdi, dep habarlaıdy QazAqparat tilshisi.

«Respýblıkalyq bıýdjet pen Ulttyq qor qarajatyn shoǵyrlandyrý máselesi kún tártibinde turmaýy kerek. Ulttyq qor qajatynyń bir bóligin paıdalaný - ol durys qadam. Atap aıtqanda, qazirgi kezde osyny iske asyryp jatyrmyz. Ulttyq qordyń ıdeıasyna toqtalsaq, ol bolashaq urpaqtyń qory retinde, sondaı-aq turaqtandyrý men daǵdarysqa qarsy qyzmetti oryndaý maqsatynda quryldy. Al turaqtandyrý mindeti ekonomıkadan shamadan tys aqsha kólemin shyǵarýǵa arnalǵan. Sebebi bul jumystar atqarylmasa, onda bizde aýqymdy ınflıatsııa qysymy bolar edi», - Á. Qýantyrov Ortalyq kommýnıkatsııalar qyzmetinde.

Osy oraıda Ulttyq qor óz qyzmetin laıyqty deńgeıde oryndap kele jatqanyn atap ótti.

«Tıisti bastamalardy eskere otyryp, bıyl transfert artty. Qarajat daǵdarysqa qarsy is-sharalarǵa baǵyttaldy. Sonymen qatar, Úkimet bul qarajattyń bir bóligin taza kiristen emes, munaıdan keletin qosymsha túsimder esebinen paıdalanbaq. Óıtkeni bıýdjette 60-tan 90 AQSh dollaryna deıin túzetilgen bolatyn. Osy oraıda jyl boıy Ulttyq qorǵa túsetin qosymsha qarajat ekonomıkany qoldaýǵa baǵyttalady», - dedi mınıstr.

Onyń sózine qaraǵanda, jahandyq ekonıkadaǵy qubylmaly ahýaldy eskere otyryp, Ulttyq qordyń daǵdarysqa qarsy qyzmeti iske qosylady.

«Aldaǵy jyly Ulttyq qordan transfertterdi tómendetý josparlanǵan. Atap aıtqanda, osy baǵytta tıisti jospar pysyqtalǵan bolatyn. Jalpy, aktıvter aldaǵy ýaqytta da ósýi úshin Ulttyq qordy basqarý saıasatyn tıisti deńgeıde túzetýdi oılastyryp jatyrmyz», - dedi Á. Qýantyrov.

Budan buryn habarlanǵandaı, Álibek Qýantyrov jańadan qurylǵan oblystarda ınfraqurylym men joldardyń sapasyna qatysty problema bar ekenin aıtty.