Ulttyq qordan munaı salyǵynyń túsimderin ǵana alamyz – Ulttyq ekonomıka mınıstri

NUR-SULTAN. QazAqparat – QR Ulttyq ekonomıka mınıstri Álibek Qýantyrov Ulttyq qordan bıýdjetke transfert alý saıasaty qalaı ózgergenin aıtty, dep habarlaıdy QazAqparat tilshisi.

«Ulttyq qordan kepildendirilgen transferttiń kólemi jańa bıýdjet qaǵıdasymen shektelgen, boljam boıynsha olar munaı sektory uıymdarynan Ulttyq qorǵa túsetin tikeleı salyqtar kóleminen aspaıtyn bolady.

Úkimettiń 2022 jylǵa arnalǵan daǵdarysqa qarsy sharalar josparynyń is-sharalaryn jáne Memleket basshysynyń sheshimi boıynsha ulttyq aýqymdaǵy áleýmettik mańyzy bar jobalardy iske asyrýǵa Ulttyq qordan 2023 jyly 1 trln teńge jáne 2024 jyly 400 mlrd teńge kóleminde nysanaly transfert tartý josparlanýda», - dedi mınıstr.

Aıtýynsha, kelesi jyly respýblıkalyq bıýdjet shyǵystary 21 trln teńge bolsa, 2025 jyly 22,7 trln teńgege deıin birtindep ulǵaımaq.

«Jalpy ishki ónim kólemi 2023 jylǵy 17,4%-dan 2024–2025 jyldary 16,2-15,5%-ǵa deıin tómendeýi boljanyp otyr. Jalpy kontrtsıkldyq bıýdjet qaǵıdasyn qoldaný josparly kezeńde respýblıkalyq bıýdjet shyǵystarynyń ósý qarqynyn JІÓ-ge qatysty 16,4% deńgeıinde turaqtandyrýdy qamtamasyz etedi», - dedi vedomstvo basshysy.