Ulttyq qordan balalarǵa aýdarylǵan qarajatty qandaı maqsattarǵa jumsaýǵa bolady
«Bala 18 jasqa tolǵan kezde, bul qarajat onyń menshigi bolyp sanalady. Ol qarajatty qalaı paıdalaný kerek ekenin óz betinshe sheshýi kerek, ıaǵnı bilim alýǵa nemese turǵyn úı satyp alýǵa jumsaı alady. Nysanaly maqsatyn rastaý ýákiletti operatorlarǵa bilim berý qyzmetterin alýǵa arnalǵan shartty nemese baspana satyp alý týraly shartty usyný negizinde beriledi. Bul rette, sheteldik JOO-da oqý aqysyn tóleýge de qarajatty paıdalanýǵa shekteý bolmaıdy», - dedi D. Temirbekov Senat depýtattarymen kezdesý kezinde.
Onyń aıtýynsha, turǵyn úı satyp alý úshin bul qarajatty tek Qazaqstan aýmaǵynda paıdalanýǵa ruqsat beriledi.
«Osy qarajatqa satyp alynǵan turǵyn úıdi qaıta satý boıynsha shekteýler bolmaıdy», - dedi vıtse-mınıstr.
Budan buryn habarlanǵandaı, Dáýren Temirbekov «Ulttyq qor – balalarǵa» jobasy aıasynda aýdarylatyn qarajat týraly aıtty.
Balanyń shotyna jyl saıyn 150-160 AQSh dollar somasynda qarajat aýdary eskerilgen.
Shotta jınaqtalǵan qarajatty 18 jasqa tolǵandar ǵana paıdalana alady.