Ulttyq qordan 18 jasqa deıingi balalarǵa aqsha aýdarý ata-analar úshin úlken kómek

TALDYQORǴAN. QazAqparat - Prezıdent Joldaýynda aıtylǵan Ulttyq qordan balalardyń shotyna aqsha aýdarý ata-analar úshin úlken kómek. Prezıdent Joldaýyn otbasymen birge tyńdaǵan Kerbulaq aýdandyq analar keńesiniń tóraıymy Ǵalııa Aqbasova osyndaı pikir bildirdi, dep habarlaıdy QazAqparat tilshisi.

Kópbalaly ana balalarǵa arnaıy esepshot ashyp, oǵan Ulttyq qor tabysynan qarjy aýdaryp otyrý óte utymdy usynys ekenin aıtady. Birneshe bala tárbıelep otyrǵan jáne az qamtylǵan otbasylarmen jıi habarlasatyn isker áıel ataýly áleýmettik kómek pen balalar járdemaqysynyń merzimin uzartý máselesi de óte oryndy deıdi.

«Bul ata-ana úshin de, bala úshin de úlken kómek bolatyn boldy. Balalar endi ózderi óskennen keıin, 18 jasqa tolǵanda bilimine, densaýlyǵyna, múmkin jeke kásip ashatyn shyǵar, baspana alýǵa jumsaıdy degendeı. Osy dúnıelerge óte kerekti qarjy dep oılaımyn. Bul - jaqsy úrdis. Sondyqtan qazaqstandyqtardy osy qýanyshty habarmen shyn júrekten quttyqtaımyn»,- dedi Kerbulaq aýdandyq analar keńesiniń tóraıymy Ǵalııa Aqbasova.

Berekeli shańyraq ıesi Ǵalııa Aqbasova otbasylyq zorlyq-zombylyqpen kúreste zańdy qatańdatý qajettigin alǵa tartady. Al otbasynda kıkiljiń bolmaýynyń basty kepili áleýmettik máselelerdiń der kezinde sheshilýinde deıdi.

Prezıdent ár Joldaýynda osy salaǵa erekshe nazar aýdaryp keledi.