Ulttyq qorda qansha qarajat qaldy
«Ulttyq qordyń aktıvteri bıylǵy jylǵy tamyzdyń sońynda 56,9 mlrd AQSh dollary boldy. Tamyzda 396 mlrd teńgege nysanaly jáne kepildendirilgen transfertterdi bólý úshin 845 mln AQSh dollary satyldy. Tamyzda Ulttyq qorǵa túsken túsimder – 420 mlrd teńge», - deıdi Ulttyq bank basshysy.
Onyń aıtýynsha, tamyzda Ulttyq qordyń ınvestıtsııalyq kirisi oń qalyptasyp, 316 mln dollar bolǵan. Tamyz aıynda aktsııalardyń 431 mln dollarǵa nemese 2,52%-ke ósýi oblıgatsııalar men altyn baǵasynyń tómendeýine aıbalysnty týyndaǵan shyǵyndardy jaýyp ketken.
«Jyl basynan beri Ulttyq qordyń ınvestıtsııalyq kirisi aktsııalar naryǵynda ósip, 2,3 mlrd dollar nemese 4,11% boldy», - dedi Erbolat Dosaev.
Eske salsaq, Ulttyq bank tóraǵasy jyl sońyna deıin ınflıatsııanyń qaı deńgeıge baratynyn boljady. https://kaz.inform.kz/news/zhyl-sonyna-karay-inflyaciya-8-5-zhetui-mumkin-ulttyk-bank_a3835988
«Shekti tarıfterdiń kóterilýine baılanysty elektr energııasy baǵasynyń ósýi 10,1%-ti qurady. Suranysty qalpyna keltirý aıasynda turǵyn úıdi jalǵa alý baǵasy, qoǵamdyq tamaqtaný, gaz jáne jolaýshylar áýe tasymaly baǵasy ósti. Boljamdyq raýndtyń qorytyndysy boıynsha Ulttyq Bank bıylǵy jyldyń sońyna qaraı ınflıatsııa 7,5%-8,5% dálizinde qalyptasady dep kútýde. Onyń tómengi shekarasy Inflıatsııaǵa qarsy den qoıý sharalarynyń keshenin tıimdi iske asyrýdy eskere otyryp aıqyndalǵan», - dedi ol Úkimet otrysynda.