Ulttyq qor qarajaty qansha jylǵa jetedi - sarapshy boljamy

NUR-SULTAN. QazAqparat - «Talap» qoldanbaly ǵylymdar ortalyǵynyń dırektory, Ulttyq qoǵamdyq senim keńesiniń múshesi Raqym Oshaqbaev koronavırýs epıdemııasynan keıingi eldiń ekonomıkalyq jáne áleýmettik jaǵdaıyna boljam jasady, dep habarlaıdy QazAqparat.

«Mamyr aıynda barlyq karantındik sharalar aıaqtalady dep úmittenemin, árıne, áleýmettik qashyqtyq saqtalady. Mamyr-maýsym aılarynda qalpyna keltirý jumystaryn bastaýǵa árekettenemiz», - dedi Raqym Oshaqbaev Sybaılas jemqorlyqpen kúres qyzmetiniń onlaın efırinde.

Spıkerdiń aıtýynsha, munda Qazaqstannyń Ulttyq qorǵa jyldar boıy jınaǵan «qaýipsizdik jastyqshasy» kómektesedi.

«Qazirgi ýaqytta Ulttyq qorda 57,5 mlrd dollar bar. Munaıdyń tómen baǵasynda memleket Konstıtýtsııada kepildik berilgen mindettemelerin qanshalyqty oryndaı alady dep boljam jasadyq. Qazaqstannyń bekemdik qory aıtarlyqtaı joǵary. Munaı baǵasy kóterilmese de, eksporttyq aǵyndy ártaraptandyrmasa da, bul qor 7 jylǵa jetedi. ıAǵnı, Ulttyq qor bıýdjet shyǵyndaryn 7 jyl boıy qarjylandyrýǵa múmkindik beredi», - dedi R. Oshaqbaev.