Ulttyq qor aktıvteri jyl basynan beri 3,4 mlrd dollarǵa azaıdy
«Ulttyq banktiń altyn-valıýta rezervteri valıýtalyq ınterventsııalar, ekinshi deńgeıdegi bankter shottaryndaǵy qaldyqtardyń qysqarýy jáne syrtqy borysh boıynsha tólemder saldarynan jyl basynan beri 2,4 mlrd dollarǵa tómendep, 32 mlrd dollar boldy. Ulttyq qordyń aktıvteri jyl basynan beri 3,4 mlrd dollarǵa tómendep maýsymnyń sońynda 51,9 mlrd dollardy qurady. Respýblıkalyq bıýdjetke bıylǵy 6 aıda 2,4 trln teńge somasyna transfertter bólý úshin 2,7 mlrd dollarǵa valıýtalyq aktıvter satyldy», - dedi Ulttyq bank tóraǵasy
Ǵalymjan Pirmatovtyń atap ótýinshe, munaı baǵasynyń aıtarlyqtaı ósýi aıasynda jyl basynan beri túsimder 3,1 trln teńgeni qurady. Bul ótken jyldyń sáıkes kezeńimen salystyrǵanda 3 eseden astamǵa artqanyn kórsetedi.
«Ulttyq qordyń kiristiligi qurylǵannan bastap 30 maýsym aralyǵynda jyldyq mánde 3,05 paıyz boldy. Jalpy halyqaralyq rezervter maýsymnyń sońynda 83,9 mlrd dollardy qurady. Ulttyq bank teńgerimsizdikterdiń jınaqtalýyn boldyrmaý jáne altyn-valıýta rezervteriniń saqtalýyn qamtamasyz etý úshin ıkemdi baǵam belgileý rejımin ustanýdy jalǵastyrady», - dedi ol.