Ulttyq kompanııalardyń top-menedjerleriniń tabystaryn jarııa etýge bolady - Ó.Shókeev
Bul pikirdi búgin «Samuryq-Qazyna» UÁQ» AQ-nyń basqarma tóraǵasy Ómirzaq Shókeev bildirdi.
«Ulttyq kompanııalardyń top-menedjerleriniń tabysyn jarııa etýge bolady. Degenmen, zańnamada belgili bir shekteýler bar. Máselen, men muny múmkin dep oılaımyn», - dedi ol.
Qor basshysynyń atap ótýinshe, bul máseleni túrli korporatıvtik deńgeılerde, onyń ishinde kompanııalardyń Dırektorlar keńesinde de jan-jaqty talqyǵa salý qajet.
«Іs júzinde men buǵan qarsy bolmas edim. Degenmen, biz qordyń ashyqtyǵy týrasynda aıtqan kezde bul kompanııanyń naryqtyq jaǵdaıda ári básekelestik ortada turǵandyǵyn umytpaýymyz kerek. Ol múldem ashyq bolmaıdy», - dedi Ó.Shókeev.
Óıtkeni, basqarma tóraǵasynyń aıtýynsha, «Qazatomónerkásip» syndy kompanııalardyń qupııa aqparattary bolady. «Sondyqtan da muny bári de ashyq bolýy múmkin dep tikeleı túsinbeý kerek», - dedi ol.