Ulttyq kompanııalarda qoǵamdyq keńester quryldy
Sondaı-aq «Báıterek» Ulttyq basqarýshy holdınginiń, «QazExpoCongress», «Qazgeologııa», «QazAvtoJol», «Qazaqstan Injınırıng», «Azyq-túlik kelisimshart korporatsııasy», «KazakhTourism», «Ulttyq aqparattyq tehnologııalar» ulttyq kompanııalarynyń qoǵamdyq keńesterin qurý rásimi júrip jatyr.
Esterińizge sala keteıik, bıyl qabyldanǵan «Qoǵamdyq keńester týraly» Zańǵa túzetýlerdiń arqasynda kvazımemlekettik sektor sýbektilerinde 13 Qoǵamdyq keńes qurylýda. Olardyń qurylýyna memlekettik bıýdjettiń qarajaty jumsalmaıtyndyǵyn atap ótý qajet.
«Qazaqstan Ǵarysh sapary» Ulttyq kompanııasynyń qoǵamdyq keńesiniń quramyna 11 múshe saılandy, olardyń 7 – eýi azamattyq qoǵam ókilderi, olardyń ishinde Meıirbek Moldabekov – professor, QR UǴA akademıgi, Halyqaralyq astronavtıka jáne kosmonavtıka akademııasynyń akademıgi, Sımbaı Dúısenov – Halyqaralyq baılanys akademııasynyń akademıgi, Abzal Jamalov-professor, «JQZ salasyndaǵy kompanııalar qaýymdastyǵy» ZTB quryltaıshysy jáne basqalary.
«KazakhInvest» ulttyq kompanııasynyń qoǵamdyq keńesiniń quramyna azamattyq qoǵamnyń 9 ókili kirdi, olardyń ishinde «Qazaqstan qarjygerleriniń qaýymdastyǵy» ZTB ókili Álibı Óteýlov, Qazaqstan qaptaýshylar qaýymdastyǵynyń basqarma tóraǵasy Batyrbek Áýbákirov, Qazaqstandyq avtobıznes qaýymdastyǵynyń vıtse – prezıdenti Anar Maqasheva, «Ulttyq korporatıvtik basqarý akademııasy» RQB atqarýshy dırektory Laýra Shashpan jáne basqalary.
Aıta keteıik, Memleket basshysy Q.K. Toqaev «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda kvazımemlekettik sektorda Qoǵamdyq keńester qurý múmkindigin qarastyrýdy tapsyrdy.
QR Prezıdentiniń tapsyrmasyn oryndaý maqsatynda 2021 jyldyń basynda «Qoǵamdyq keńester týraly» Zańǵa Qoǵamdyq keńes músheleriniń quqyqtary men mindetterin keńeıtetin, olardy kvazımemlekettik sektordyń jumysyna tartýdy kózdeıtin túzetýler qabyldandy.