Ulttyq kompanııalar aktıvteriniń basqarylýyna aýdıt júrgiziledi

NUR-SULTAN. QazAqparat – Respýblıkalyq bıýdjettiń atqarylýyn baqylaý jónindegi esep komıteti 2021 jylǵa arnalǵan aýdıtorlyq is-sharalar josparyn jarııa etti, dep habarlaıdy QazAqparat tilshisi.

Esep komıtetiniń baspasóz qyzmeti taratqan aqparatqa sáıkes, kvazımemlekettik sektorda «Qazatomónerkásip» ulttyq atom kompanııasy» AQ, «Birikken hımııalyq kompanııa» JShS, «Samruk-Kazyna Construction» AQ, «Taý-Ken Samuryq» ulttyq taý-ken kompanııasy» AQ, «Qazposhta» AQ, «QazMunaıGaz» ulttyq kompanııasy» AQ jáne olardyń enshiles uıymdarynda aktıvteriniń basqarylý tıimdiligine memlekettik aýdıt júrgiziledi. Qyzylorda, Batys Qazaqstan, Túrkistan, Almaty, Jambyl oblystarynda bıýdjet qarajatynyń paıdalanylý tıimdiligine keshendi aýdıt júrgizý qolǵa alynady.

Respýblıkalyq bıýdjettiń shoǵyrlandyrylǵan qarjylyq eseptiligine aýdıt júrgizýde bıyl ótedi. QR Prezıdenti Іs basqarmasy, Syrtqy ister mınıstrligi qyzmetiniń tıimdiligine aýdıt júrgiziletin bolady. Sonymen qatar ınfraqurylymdy damytýdyń 2015-2019 jyldarǵa arnalǵan «Nurly jol», «Tsıfrlyq Qazaqstan» jekelegen memlekettik baǵdarlamalarynyń iske asyrylýyn baǵalaý ótkiziledi.

Qazaqstan Respýblıkasynyń Eýrazııalyq ekonomıkalyq odaq aıasynda jekelegen kelisimderdi oryndaýy boıynsha halyqaralyq aýdıtter de júrgiziledi.