Ulttyq qoǵamdyq senim keńesine úırenshikti sarapshylar ǵana jınalmaýy kerek - Muhtar Mankeev
Bul týraly «Qazaqstan - 2050» Jalpyulttyq qozǵalysy keńesiniń tóraǵasy Muhtar Mankeev aıtty, dep habarlaıdy QazAqparat.
«Bul bastamany Prezıdentten ekinshi ret estip otyrmyz. Birinshi ret saılaýaldy úgit-nasıhat kezinde aıtqan bolatyn. Búgin naqty saılanyp, Prezıdent retinde bekitiligen soń tolyq senimmen aıtty. Biz qazirgi kezde Qazaqstanda túrli aýdıtorııalardyń qalyptasqanyn kórip otyrmyz. Onyń bir dáleli - jeksenbide ótken saılaý. Qasym-Jomart Kemeluly 70% aldy, ózgeleri 15%, 5%, 1,5% daýys jınady. Biraq, ár paıyzdyń artynda myńdaǵan, júz myńdaǵan adamdar tur. Olar ár úmitkerdiń baǵdarlamalaryn oqyp, senim artyp, daýys berdi. Bul birinshiden bizdiń qoǵamnyń belsendiligin kórsetedi. Ekinshiden, ár aýdıtorııanyń suraqtary men kózqarastarynyń bólek ekenin kórsetti. Sondyqtan, barlyq toptarmen jumys isteý úshin jańa kommýnıkatsııalyq platforma qajet», - dep atap ótti Muhtar Mankeev.
Onyń aıtýynsha, kúndelikti kórip júrgen sarapshylar qaıtadan jınalyp alsa, keńestiń esh ereksheligi bolmaıdy.
«Keńeske qoǵam belsendileri, sarapshylardy shaqyramyz dep jatyr. Ol kisiniń ıdeıasyn durystap júzege asyrý - basty maqsat. Kúndelikti kórip júrgen sarapshylar, kúndelikti saıasatta júrgen adamdar qaıtadan kelip otyryp alsa, ózgeristiń bolýy ekitalaı. Meniń oıymsha, keńeske qoǵamnyń barlyq tobynan jańa ıdeıasy bar jańa adamdar kerek. Olar sózben emes, ispen ózderin naqty dáleldegen adamdar kerek. Keńeste neshe túrli jobalar júrýi múmkin. Sonyń bárin sarapshy júzege asyryp kórmese, oılary da bólek boýly múmkin. Al keńestiń basty róli - Qazaqstandaǵy 18 mln azamattyń árbiriniń erteńgi kúnge úmitin aqtap, jaqsy kommýnıkatsııalyq jolǵa aınalý», - dedi M. Mankeev.
Sarapshy keńes formatyn ınteraktıvti, ashyq etip, qoǵamdaǵy barlyq toptyń belsendilerin qatystyrýdy jáne keńesti saıası emes, áleýmettik keńes retinde damytýdy usyndy.
Aıta keteıik, búgin Qazaqstan Prezıdent Qasym-Jomart Toqaev Ulttyq qoǵamdyq senim keńesin qurýdy usynyp, keıinnen Jarlyqqa qol qoıdy.
Onyń quramyna barlyq birlestik ókilderi men jastar enedi. Ulttyq qoǵamdyq senim keńesiniń alǵashqy otyrysy osy jyldyń tamyz aıynda ótedi.