Ulttyq qoǵamdyq senim keńesi múshelerine jalaqy tólenbeıdi - mınıstr

NUR-SULTAN. QazAqparat - QR Aqparat jáne qoǵamdyq damý mınıstri Dáýren Abaev «Habar» arnasynyń «Ashyq dıalog» baǵdarlamasynda QR Prezıdenti janyndaǵy Ulttyq qoǵamdyq senim keńesiniń alǵashqy otyrysyna jarty jyl ótpeı jatyp ne sebepti onyń quramynyń ózgerip jatqanyn aıtty, dep habarlaıdy QazAqparat tilshisi.

Dáýren Abaev Ulttyq qoǵamdyq senim keńesi quramynan 6 adam ne sebepti shyǵarylǵany týraly pikir bildirdi.

«Men muny aıtarlyqtaı mańyzdy ózgerister dep aıta almaımyn. Ulttyq keńestegi 44 adamnyń altaýy ǵana aýysty. Bul qarapaıym jumys protsesi. Ulttyq qoǵamdyq senim keńesi - negizgi jumyspen qatar júretin qoǵamdyq júkteme ekenin túsiný kerekpiz», - deıdi Dáýren Abaev.

Mınıstr keńes múshelerine osy qyzmet úshin jalaqy tólenbeıtinin aıtty.

«Bul qyzmet úshin jalaqy tólenbeıdi. Bul jerge tek óz erikterimen keledi. Sondyqtan ony negizgi jumyspen úılestirý fızıkalyq turǵyda da óte qıyn», - deıdi ol.