Ulttyq kınony qoldaý ortalyǵynyń Saraptama keńesine kimder endi
Memlekettik bıýdjet esebinen túsiriletin fılmder Ulttyq kınony qoldaý memlekettik ortalyǵy arqyly irikteledi. Pıtchıngke kelip túsken jobalardy irikteıtin saraptama keńesiniń quramy negizinen orystildiler degen syn kóp aıtylyp júr. ıAǵnı, fılmderdi irikteýshilerdiń basym kópshiligi orystildi bolǵandyqtan, qazaq tildi jobalar irikteýden ótpeı qalady degen ýájder bar. Osyǵan baılanysty «QazAqparat» HAA tilshisi Mádenıet jáne sport mınıstrligine jýrnalıstik saýal joldaǵan bolatyn.
Vıtse-mınıstr Nurǵısa Dáýeshovtiń bergen jaýabynda saraptalamyq keńestiń quramy qaıta ózektendirilgeni aıtylypty.
«Ulttyq kınony qoldaý memlekettik ortalyǵyn qurý týraly» Qazaqstan Respýblıkasy Úkimetiniń 2019 jylǵy 15 naýryzdaǵy № 113 qaýlysyna sáıkes, fılmdi ulttyq dep taný jónindegi usynystardy tujyrymdaý maqsatynda Ulttyq kınony qoldaý memlekettik ortalyǵynyń janynan Saraptama keńesi qurylǵan. Búgingi kúni Mınıstrlik tarapynan Saraptama keńesiniń quramyn ózektendirý maqsatynda «Ulttyq kınony qoldaý memlekettik ortalyǵyn qurý týraly» Úkimet qaýlysyna ózgeris engizý týraly» jańa qaýly jobasyn engizdi. Atalǵan quramda Smaǵul Elýbaev, Jabal Erǵalıev, Tuńǵyshbaı Jamanqulov, Doshan Joljaqsynov, Talǵat Temenov, Satybaldy Narymbetov, Rústem Ábdirashev jáne taǵy da basqa belgili kásibı mamandar bar ekenin atap ótemiz», - delingen jaýapta.
Nurǵısa Dáýeshovtiń aıtýynsha, zańnamaǵa ulttyq fılmderdiń prokatynan túsken qarajattyń 20 paıyzy memleketke qaıtarý talabyn engizilgen.
Vedomstvo ókili kınoǵa bólgen qarajatty ıgerýshiler qalaı irikteletinin de túsindirdi.