Ulttyq kınony qoldaý ortalyǵynyń qarjysyn telearnalarǵa baǵyttaý usynyldy

ASTANA. QazAqparat – «31 kanal» telearnasynyń ba sdırektory Qurmanbek Jumaǵalı AstanaMediaWeek dástúrli halyqaralyq forýmynda Ulttyq kınony qoldaý oratalyǵynyń derekti fılmderge bóletin qarjysyn telearnalarǵa baǵyttaýdy usyndy, dep habarlaıdy QazAqparat tilshisi.

«Bizdiń elde kıno qory deıtin mekeme bar. Mádenıet salasyndaǵy áriptesterimiz ókpelemeıtin shyǵar. Lázzat Muratqyzymen birge sol qordyń komıssııasyna alǵash ret kirip otyrmyz. Ol jerde men neni baıqadym? Úlken aqsha bar. Jaraıdy, kıno týraly aıtpaı-aq, qoıaıyn. Biraq sol qordyń derekti fılmderge aqsha bóletin baǵyty bar. Telearnalarda derekti fılmderge 500 myń teńgeden 1 mln teńgege deıin ǵana aqsha bólinedi. Al olarda bir derekti fılmniń quny keminde 30 mln teńge turady, elestetip kórińizdershi», - dedi arna basshysy.

Sondaı-aq, ol áriptesterine óz jobalaryn atalǵan ortalyqqa usynyp kórýge shaqyrdy.

«Men osy aqshany, osy baǵytty telearnalarǵa berýdi usynamyn. Pikir almasý alańy bolǵandyqtan aıtyp otyrmyn. Bálkim Aqparat jáne qoǵamdyq damý mınıstrligi Mádenıet jáne sport mınıstrligine jetkizetin shyǵar. Jalpy, áriptesterime ol jerde jaqsy aqsha bar ekenin aıtqym keledi. Usynyp kórý kerek»,- dedi Qurmanbek Jumaǵalı.