Ulttyq kınony qoldaý ortalyǵy ótkizgen ashyq konkýrs boıynsha tekserý taǵaıyndaldy
«2023 jylǵy 22 mamyrda «Ulttyq kınony qoldaý memlekettik ortalyǵy» kommertsııalyq emes aktsıonerlik qoǵamynda ótkizilgen 2023 jylǵa arnalǵan kınojobalardyń ashyq konkýrsyna Mınıstrlikte tekserý júrgizý komıssııasy quryldy. Tekserý jumystary qurylǵan komıssııa sheńberinde júrgiziledi jáne másele ýákiletti organnyń turaqty baqylaýynda», - dep jazady Altaı Kólginov.
Sondaı-aq, ol bul másele boıynsha Mádenıet jáne sport mınıstrligi qandaı uystanymda ekenin de túsindiredi.
«Ashyq irikteýde qabyldanbaǵan kınojobalardyń 38 ótinish berýshiniń negizgi qyzmeti ekonomıkalyq qyzmet túrleriniń jalpy jikteýishine sáıkes kelmeýi, 21 kınojobada qujattar qaǵaz túrinde usynylmaǵan jáne stsenarııge patenttiń joq bolýy, 94 kınojobada dáıeksiz derekter nemese burmalanǵan aqparat usynylýy (patent kınojobanyń ataýyna sáıkes kelmeıdi, kompanııalardyń salyq bereshegi bar, ótinish berýshi iske asyrǵan jobalar týraly rastaıtyn qujattar joq jáne t.b.) boıynsha buzýshylyqtar anyqtalǵan. Sondyqtan 153 joba qabyldanbaı, qaıtaryldy. Budan bólek Mınıstrlik pen Ortalyqqa irikteýge ótpegen ótinim ıeleriniń 60-tan astam aryzdary tústi. Aryz ıelerine resmı jaýap berilip, túsindirme jumystary júrgizildi», - delingen jaýapta.