Ulttyq kınony qoldaý memortalyǵynyń basshysy tergeýge alyndy

NUR-SULTAN. QazAqparat - Ulttyq kınony qoldaý memlekettik ortalyǵynyń basshysy tergeýge alyndy. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıǵaıdarov aıtty, dep habarlaıdy QazAqparat tilshisi.

«Sybaılas jemqorlyqqa qarsy qyzmet memlekettik bıýdjetten qarjy bólýge, oryndalǵan jumystardyń (kórsetilgen qyzmet) aktilerine qol qoıýǵa kómekteskeni úshin asa iri mólsherde para alý faktisi boıynsha, sondaı-aq jalpy qamqorlyǵy pen salǵyrttyǵy úshin «Ulttyq kınony qoldaý memlekettik ortalyǵy» KEAQ Basqarma tóraǵasyna qatysty sotqa deıingi tergeý júrgizýde», - dedi ol agenttik alańynda ótken onlaın brıfıng barysynda.

Onyń atap ótýinshe, kúdikti kinásiniń deńgeıi týraly túpkilikti sheshimdi sot shyǵarady.

«Tergeý múddeleri úshin basqa aqparat jarııa etýge jatpaıdy», - dedi Danııar Bıǵaıdarov.