Ulttyq kınony qoldaý memortalyǵynyń 2021 jylǵy pıtchınginiń nátıjesi nelikten joıyldy
Sheshimniń negizgi sebebi – bul 2022 jylǵy 14 qańtarda Qarjy mınıstrligi Memlekettik satyp alýdy júzege asyrý erejelerin qatańdatýy, dep habarlaıdy QazAqparat Mádenıet jáne sport mınıstrliginiń baspasóz qyzmetine silteme jasap.
Atap aıtqanda, jańa erejeler jetkizýshiniń qarjylyq turaqtylyq kórsetkishin qoldanýdy kózdeıdi. Jańashyldyq kınojobalardy qarjylandyrýǵa tikeleı áser etedi, óıtkeni bul shara is júzinde jetkilikti qarjylyq rezervteri joq jańadan shyqqan kınoóndirýshilerdiń konkýrsqa qatysýyna qosymsha kedergi jasaıdy.
Osylaısha, eger vedomstvoaralyq komıssııa 2021 jylǵy irikteý nátıjelerin kúshinde qaldyrǵan jaǵdaıda, memlekettik satyp alý týraly jańa qaǵıdalar ólshemsharttaryna iriktelgen jobalardyń sanaýly sany sáıkes kele alar edi.
Qalyptasqan jaǵdaıda mınıstrlik joǵaryda kórsetilgen Qaǵıdalarǵa ózgerister engizý boıynsha sharalar qabyldaýda. Tıisti hat aǵymdaǵy jyldyń aqpan aıynda Qarjy mınıstrligine joldanyp, jaýap retinde ýákiletti organ ózgerister engizýge daıyndyǵyn bildirdi.
Nátıjesinde, kınoındýstrııany jetkizýshilerdiń qarjylyq turaqtylyǵy túrindegi biliktilik talaptaryn alyp tastaý arqyly olardy áleýetti jetkizýshilerdiń jeke sanatyna engizý máselesi pysyqtalýda.