Ulttyq keńestiń taǵy bir bastamasy máre syzyǵyna jetti – Erlan Qarın

NUR-SULTAN. QazAqparat – QR Prezıdenti janyndaǵy Ulttyq qoǵamdyq senim keńesiniń taǵy bir bastamasy máre syzyǵyna jetti. Prezıdent tıisti zańǵa qol qoıǵannan keıin qazaqstandyqtar kólik júrgizýshi kýáligin ózimen birge alyp júrýge mindetti bolmaıdy, dep habarlaıdy QazAqparat tilshisi.

«Búgin Senat Ulttyq qoǵamdyq senim keńesiniń aıasynda Prezıdenttiń tapsyrmasymen Іshki ister mınıstrligi ázirlegen «Qazaqstan Respýblıkasynyń keıbir zańnamalyq aktilerine jol júrisi máseleleri boıynsha ózgertýler men tolyqtyrýlar engizý týraly» zań jobasyn qabyldady. Atalǵan zańǵa Prezıdent qol qoıǵannan keıin kólik ıelerine ózimen birge tek jeke kýáligin alyp júrse jetkilikti bolady», - dep jazdy QR Prezıdentiniń kómekshisi Erlan Qarın Facebook paraqshasynda.

Esterińizge sala ketsek, búgin Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine jol júrisi máseleleri boıynsha ózgerister men tolyqtyrý engizý týraly» Zańy eki oqylymda qaralyp, qabyldanǵan bolatyn.

Zańda Qazaqstan Respýblıkasynda berilgen júrgizýshi kýáligi men kólik quralyn tirkeý týraly kýálikti ózimen birge alyp júrýdi talap etetin normany qoldanystaǵy zańnamadan alyp tastaý kózdelgen. ıAǵnı avtokólik ıesin polıtsııa toqtatqan kezde, ol jeke kýáligin usynyp, sol jeke kýálikpen polıtsııa qyzmetkeri planshet arqyly elektrondyq bazada onyń qajetti qujattary boıynsha tekserý júrgize alady.