Ulttyq keńeste Prezıdent Joldaýynyń oryndalý tetikteri qaraldy
«Joldaýda aıtylǵan biraz bastamalar kezinde Ulttyq keńes otyrysynda kóterilgen máseleler. Bul keńes músheleri jumysynyń bir kórinisi dep esepteımiz. Ekinshiden, búgingi otyrysta Ulttyq keńestiń jumys josparyn aıqyndaýdap, sol arqyly joldaýda aıtylǵan árbir bastamany qalaı júzege asyrý kerektigin pysyqtaýdamyz. ıAǵnı Memleket basshysynyń joldaýda aıtqan bastamalary men tapsyrmalardy oryndaýdyń tetikterin qarastyratyn bolamyz», - dedi QR Prezıdentiniń kómekshisi Erlan Qarın otyrys barysynda.
Onyń aıtýynsha, Ulttyq keńes músheleri Prezıdent Joldaýynyń júzege asyrý protsesin birneshe baǵyt boıynsha jeke qarastyrady.
«Joldaýda aıtylǵan negizgi máselelerdi nazarǵa ala otyryp, onyń oryndalýyn 11 baǵyt boıynsha bólip qarastyrýdamyz. Onyń ishinde saıası, ekonomıkalyq, áleýmettik jáne taǵy basqa salalar qamtylǵan. Joldaýdyń mazmuny aýqymdy, demek atqarylýy tıis jumys kóp degen sóz. Osy oraıda, aldaǵy qazan aıyna Ulttyq keńestiń 4-shi otyrysyn ótkizýdi josparlap otyrmyz», - dedi ol.