Ulttyq keńeste kópbaly otbasylardyń baspana máselesi kóterildi

NUR-SULTAN. QazAqparat – Búgin Ulttyq qoǵamdyq senim keńesiniń tórtinshi otyrysynda keńes múshesi Lázzat Qojahmetova kópbaly otbasylardyń baspana alýy máselesin kóterdi, dep habarlaıdy QazAqparat tilshisi.

«Turǵyn úı saıasaty salasynda bir mezette jeti memlekettik operator jumys isteıdi eken. Biraq, osy ýaqytqa deıin baspana kezeginde turǵan adamdardyń tizimin ashyq jarııalaıtyn respýblıkalyq saıt joq. ıAǵnı kim kezekten úı aldy? Óz kezegimen alyp jatyr ma? Jemqorlyq faktileri oryn aldy ma? Osynyń barlyǵy ashyq túrde saıtta kórinýi kerek. Byltyr úı alǵandar qazirdiń ózinde kezekte tur, kezek jańarmaı jatyr», - dedi L. Qojahmetova.

Budan bólek, ol qazir Qazaqstanda 30 myńǵa jýyq kópbalaly otbasy baspana kezeginde turǵanyn jetkizdi.

«Olarǵa arendalyq baspana beredi. Biraq jalǵa beriletin páter muraǵa qaldyrylmaıdy, atyna túspeıtindikten, halyq ıpoteka alyp, óziniń attaryna túsetin menshik úı bolǵanyn qalaıdy. Buǵan baılanysty bizde Qazaqstanda «7-20-25», «5-10-20» degen baǵdarlamalar shyqty jáne olar óte jaqsy baǵdarlamalar dep sanaımyz. Alaıda, osy baǵdarlamamen úı alýdyń óziniń qıyndyqtary bar. Máselen, osy eki baǵdarlama boıynsha tek jańa úılerge ǵana ıpoteka beriledi. Jańa úılerdiń baǵasy qymbat, 15 mln teńgege bir bólmeli ǵana páter alýǵa bolady. Tórt-bes balasy bar otbasyǵa bir bólmeli páterdi 20 jylǵa ıpotekaǵa alý tıimsiz», - dedi keńes múshesi.

Osy oraıda, «5-10-20» baǵdarlamasymen ıpotekany ekinshi naryqtaǵy, ıaǵnı arzan ári jóndeýden ótken úılerge berý usynysy aıtyldy.

Budan buryn habarlanǵandaı, keńes múshesi koronavırýstyń birinshi kezeńinde daǵdarys ortalyqtaryna júgingen áıel men bala kóbeıgenin aıtqan bolatyn.

Onyń sózinshe, kópbalaly otbasylar tarapynan bıznes kýrstarǵa degen suranys joǵary boldy.