Ulttyq keńeske aıtary bar azamattar enýi kerek - Marat Báshimov
«Prezıdent Qasym-Jomart Toqaevtyń sóılegen sózinde eń basty ekpin - Úshinshi jańǵyrtýdy jalǵastyrýǵa berilip otyr. Bul rette áleýmettik saıasatqa basa nazar aýdarý qajet. Áleýmettik saıasat mınıstrlikterge esep berip otyrǵan kórsetkishtermen shektelip qalmaı, adam ómiriniń jaqsarǵanyn kórsetýi tıis. Bul - múlde basqa standarttar. Ekinshi - jaýapkershilik. Kez kelgen sheneýnik Prezıdent aıtqandaı, halyq aldynda jaýapty ekenin túsinýi tıis. Úshinshiden, memleket pen azamattyq qoǵam arasyndaǵy ózara qarym-qatynastaǵy jaýapkershilikti sezine bilgen abzal. Ulttyq qoǵamdyq senim keńesi azamattyq qoǵam men jastardyń belsendi qyzmeti engiziletin ózara is-qımyldyń tetigin jasaýy tıis», - dedi Marat Báshimov.
Onyń pikirine súıensek, keńes quramyna táýelsiz oıy bar, paıymy joǵary jáne bılikke óz ıdeıalaryn quqyqtyq, konstrýktıvti turǵyda jetkize alatyn adamdar kirýi tıis.
Marat Báshimov sondaı-aq, qazirgi tańda qoǵamda sybaılas jemqorlyqqa alańdaýshylyq bar ekenin, al Prezıdent Qasym-Jomart Toqaev sybaılas jemqorlyqqa qarsy kúresti kúsheıtý týraly aıtqanyn eske saldy.
Marat Báshimov atap ótkendeı, qazirgi ýaqytta barlyq áleýmettik máselelerdi konstrýktıvti túrde sheshý qajet. Sondyqtan, qoǵamnyń ártúrli jik ókilderi men memleket basshylary teń dárejede sóılese alatyn dıalog alańyn qurý eldiń odan ári damýy úshin óte mańyzdy. Qazaqstanda qurylǵan ulttyq qoǵamdyq senim keńesi osy mindetti sheshýge yqpal etedi.
Eske sala ketsek, keshe Memleket basshysy QR Prezıdenti janynan Ulttyq qoǵamdyq senim keńesin qurý týraly Jarlyqqa qol qoıǵan bolatyn.