Ulttyq keńes: Jergilikti ózin-ózi basqarý tujyrymdamasyn jasaý usynyldy

NUR-SULTAN. QazAqparat – Ulttyq qoǵamdyq senim keńesiniń saıası reformalar jónindegi toby jergilikti ózin-ózi basqarýdy damytý úshin bes jylǵa arnalǵan tujyrymdama jasaýdy usyndy, dep habarlaıdy QazAqparat tilshisi.

«Saıası reformalar jónindegi top taǵy birneshe usynysty ázirledi. Sol usynystarǵa jeke toqtalaıyn. Birinshiden, bizdiń oıymyza jergilikti ózin-ózi basqarýdy damytý úshin bes jylǵa arnalǵan tujyrymdama qajet. Sonymen birge arnaıy zań ázirlep, qabyldaǵan durys. Jergilikti deńgeıdegi jıyndardy ótkizýdiń jańa tártibin engizetin ýaqyt jetti dep sanaımyz. Msyaly qazir ol úshin aýdan ákiminiń kelisimi qajet. Biz aýyl azamattarynyń keminde 10 paıyzy jıyn ótkizý týraly másele kóterse, oǵan sol aýyl ákiminiń kelisimi jektilikti dep esepteımiz», - dedi Ultyq keńes múshesi Maksım Spotkaı keńes otyrysynda.

Onyń aıtýynsha, ekinshi jaǵynan turǵyndar sondaı jıyndar arqyly ákimderdiń jumysyna qoǵamdyq baqylaý ornatar edi.