Ulttyq keńes jastar máselesin sheshýge kómektesedi - Damır Dıgaı

TALDYQORǴAN.QazAqparat - Qoǵamdyq senim jónindegi ulttyq keńestiń qurylýy arqyly jastardyń kóptegen máseleleri oń sheshimin tabady. Jas ǵalym Damır Dıgaı osyndaı pikirde, dep habarlaıdy QazAqparat tilshisi.

Іlııas Jansúgirov atyndaǵy Jetisý memlekettik ýnıversıtetiniń ǵylymı zertteýler qorytyndysyn kommertsıalızatsııalaý keńsesiniń dırektory Damır Dıgaı sonymen qatar bul keńestiń quramyna áleýmettik túıtkilderdi jetik biletin jastardyń enýin óte mańyzdy qadam dep esepteıdi.

«Prezıdenttiń kadrlyq rezervine 300 jas maman tartylady dedi. Úkimet quramynyń jastarmen tolyǵatynyna, árıne, biz óte qýanyshtymyz. Al qoǵamdyq senim jónindegi ulttyq keńestiń qurylýy arqyly jastarǵa jumyspen, baspanamen qamtamasyz etý turǵysynan úlken kómek kórsetiledi dep oılaımyn», - dedi Damır Dıgaı.

Aıta keteıik, búgin Qazaqstan Prezıdent Qasym-Jomart Toqaev Ulttyq qoǵamdyq senim keńesin qurýdy usynyp, keıinnen Jarlyqqa qol qoıdy.