Ulttyq keńes múshesi «JOO-lardyń básekege qabilettilik baǵdarlamasyn» engizýdi usyndy

NUR-SULTAN. QazAqparat – Qazaqstandaǵy JOO-lardy memlekettik jáne jeke dep bólmeı, jaqsy jáne jaman dep bólý kerek. Ulttyq qoǵamdyq senim keńesiniń kezekti otyrysynda Ulttyq qoǵamdyq senim keńesiniń múshesi Asylbek Qojahmetov osylaı aıtty, dep habarlaıdy QazAqparat.

«Birinshi kezekte bizge oqytý paradıgmasyn ózgertý kerek. Jeke tulǵany damytý tásiline kóshý kerek. Stýdentke mamandyqpen birge ómirlik baǵyt-baǵdar boıynsha bilim berý kerek. Patrıotızmi sińirip, ómirge úıretý kerek. Álıhan Bókeıhan aıtqandaı, «ultqa qyzmet etý bilimnen emes, minezden». Bizge JOO-lardyń ashyq básekesin damytý kerek. Ol úshin «JOO-lardyń básekege qabilettilik baǵdarlamasyn» usynamyn. JOO-lardy memlekettik jáne jeke dep bólmeı, jaqsy jáne jaman dep bólý kerek», - dedi Asylbek Qojahmetov Ulttyq qoǵamdyq senim keńesiniń kezekti otyrysynda.

Onyń aıtýynsha, halyqaralyq jáne ulttyq deńgeıde básekege qabiletti JOO-lar bolýy tıis.