Ulttyq keńes músheleri Densaýlyq saqtaý mınıstrimen kezdesti

NUR-SULTAN. QazAqparat - Búgin QR Memlekettik hatshysy Erlan Qarın men Ulttyq qoǵamdyq senim keńesiniń músheleri Densaýlyq saqtaý mınıstri Ajar Ǵınııatpen kezdesti. Basqosý oflaın jáne onlaın formatta ótti, dep habarlaıdy Aqorda.

Ajar Ǵınııat óz sózinde «Deni saý ult» Ulttyq jobasynyń iske asýyna, óńirlerdegi medıtsınalyq nysandardyń qurylysy men jańǵyrtýyna, ambýlatorııalyq deńgeıdegi konsýltatıvtik-dıagnostıkalyq qyzmet kóleminiń ulǵaıýyna, medıtsına salasyna qajetti mamandardy daıarlaý men olardyń jalaqysyn kóterý máselesine toqtaldy.

Mınıstr elimizdegi aýyl turǵyndary men balalardyń profılaktıkalyq tekserýden ótýine qatysty tizbesin arttyrý mańyzdy ekenin atap ótti. Sondaı-aq, A.Ǵınııat koronavırýs dertine qatysty boljamymen bólisip, revaktsınatsııa kampanııasyn iske asyrý máselesi jóninde sóz qozǵady.

Sodan soń kezdesý suraq-jaýap formatynda jalǵasty. Atap aıtqanda UQSK-niń músheleri Murat Ábenov, Qaısar Tursynqoja, Aıgúl Orynbek, Táttigúl Talaeva, Lázzat Qojahmetova, Talǵat Qalıev, Bórihan Nurmuhamedov, Qanat Saharııanov, Islambek Saljanov, Eldar Jumaǵazıev, Baný Nurǵazıeva, Qaıyrbek Arystanbekov, Jemis Turmaǵambetova jáne Marat Shıbutov ózderiniń saýaldaryn qoıyp, usynystaryn ortaǵa saldy.

Jıyn qorytyndysy boıynsha qoǵam belsendileri men vedomstvo basshylyǵy kezdesýde qozǵalǵan problemalar boıynsha aldaǵy ýaqytta birlese jumys isteýge ýaǵdalasty.