Ulttyq keńes músheleri Ádilet mınıstrimen Prezıdent tapsyrmalaryn oryndaý barysyn talqylady

NUR-SULTAN. QazAqparat – Ulttyq keńestiń hatshylyǵy qoǵam ókilderiniń mınıstrlermen onlaın formatta kezdesýin uıymdastyrý tájirıbesin jańǵyrtty. Osy oraıda búgin Ulttyq keńes músheleriniń QR Ádilet mınıstri Marat Beketaevpen kezdesýi ótti. Bul týraly Facebook-tegi paraqshasynda QR Prezıdentiniń kómekshisi Erlan Qarın jazdy, dep habarlaıdy QazAqparat tilshisi.

Kezdesý barysynda M. Beketaev Ulttyq keńes múshelerine «halyq únine qulaq asatyn memleket» tujyrymdamasy, norma shyǵarý protsesin jetildirý, Ákimshilik rásimdik-protsestik kodeksiniń negizgi jańashyldyqtary aıasynda Prezıdenttiń jekelegen tapsyrmalaryn júzege asyrý barysyn baıandap berdi.

Óz kezeginde Ulttyq keńes músheleri mınıstrge saladaǵy túrli baǵyttar boıynsha suraqtaryn qoıdy.

E. Qarın atalǵan kezdesý aıtarlyqtaı mazmundy ótkenin, ZOOM-konferentsııa eki saǵattan astam ýaqyt boıy jalǵasqanyn jetkizdi.

«Árıne, birqatar másele boıynsha kezdesýge qatysýshylar túrli ustanymda boldy. Taraptar ózara dıalogqa jáne qoǵamnyń mańyzdy máselelerin sheshýge ózderiniń daıarlyǵyn kórsetti. Memlekettik organdarmen ózara is-qımyldyń bul formaty ary qaraı jalǵasady jáne jaqyn arada basqa mınıstrlermen osyndaı kezdesýlerdi ótkizý josparlanyp otyr», - dep jazdy Erlan Qarın.