Ulttyq keńes: Qala men aýyl mektepteri arasynda 1,5 jyl alshaqtyq bar

NUR-SULTAN. QazAqparat – Bilim berýdegi alshaqtyqty azaıtý úshin shaǵyn jınaqtalǵan aýyl mektepterin bilikti kadrlarmen qamtamasyz etý kerek. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Kelesi bir mańyzdy mindet – qalalyq jáne aýyldyq mektepter arasyndaǵy alshaqtyqty azaıtý. PISA málimetteri boıynsha qazir aradaǵy alshaqtyq 1,5 jyldy quraıdy. Barlyq balalar turǵylyqty jerine nemese áleýmettik jaǵdaıyna qaramastan sapaly bilimge qol jetkizýi kerek. Aıta ketý kerek, qalalyq jáne aýyl turǵyndary arasyndaǵy bilim alshaqtyǵy úrdisi birqatar memlekette bar», - dep atap ótti Memleket basshysy Ulttyq qoǵamdyq senim keńesiniń onlaın formattaǵy 3-otyrysynda.

Prezıdent bul jaǵdaıǵa baıypty, naqty kózben qaraý kerektigin aıtty.

«Bul máseleni dramaǵa salýdyń qajeti joq, jaı ǵana sharalar qabyldaý qajet. Alshaqtyqty azaıtý úshin aýyldaǵy shaǵyn jınaqtalǵan mektepterdi bilikti oqytýshylar quramymen qamtamasyz etý kerek», - dedi Q. Toqaev.