Ulttyq keńes aıasynda birneshe is-shara ótkizildi

NUR-SULTAN. QazAqparat - Aqordada Prezıdent Ákimshiligi jetekshisiniń orynbasary Tımýr Súleımenovtiń tóraǵalyǵymen Ulttyq keńestiń jumys toby músheleriniń ekonomıkalyq máseleler boıynsha kezekti otyrysy ótti, dep habarlaıdy QazAqparat QR Prezıdentiniń keńesshisi Erlan Qarınǵa silteme jasap.

«Kún tártibinde shaǵyn jáne orta bıznes, jer reformasy jáne kvazımemlekettik sektordy jetildirý máseleleri qaraldy. Otyrysqa Qarjy, ulttyq ekonomıka, aýyl sharýashylyǵy mınıstrlikteri jáne «Samuryq-Qazyna» ulttyq ál-aýqat qory, «Báıterek» jáne «QazAgro» ulttyq kompanııalary, sondaı-aq «Atameken» UKP ókilderi qatysty», dep jazdy Erlan Qarın Telegram-daǵy paraqshasynda.

«Úkimet úıinde» vıtse-premer Berdibek Saparbaev Ulttyq keńestiń jumys toby músheleriniń áleýmettik-mádenı máseleler boıynsha usynystaryn qarastyrdy. Adamı kapıtal, bilim berý, densaýlyq saqtaý jáne mádenıetti damytý máseleleri talqylandy.

Osyndaı kezdesýlerdiń arqasynda qoǵam men memlekettik organdar damytýdyń ózekti máseleleri boıynsha pikir almasady jáne ustanym jaqyndastyǵyn qalyptastyrady. Kóptegen másele boıynsha biryńǵaı túsinik qalyptastyrylady.