Ulttyq qaýipsizdik komıteti Almatydaǵy ushaq apatynyń mán-jaıyn anyqtap jatyr

NUR-SULTAN. QazAqparat - Ulttyq qaýipsizdik komıteti Almaty mańyndaǵy ushaq apatyna qatysty pikir bildirdi, dep habarlaıdy QazAqparat.

Qaýipsizdik vedomstvosynyń málimetine sensek, qazir oqıǵanyń mán-jaıy anyqtalyp jatyr.

«13 naýryzda Almaty qalasynyń áýejaıyna qoný kezinde Ulttyq qaýipsizdik komıteti avıatsııa qyzmetiniń «AN-26» áýe kemesi (borttyq nómiri - 02) apatqa ushyrady. Bortta 6 ekıpaj múshesi boldy, onyń 4 qaza taýyp, 2 aýyr jaraqattarmen gospıtalǵa jatqyzyldy. Avıatsııalyq oqıǵanyń sebepteri anyqtalyp jatyr» delingen habarlamada.

Eske sala keteıik, búgin Nur-Sultan-Almaty baǵytynda kele jatqan AN-26 áskerı ushaǵy 17.22 kezinde radardan joǵalyp, qala áýejaıy mańynda apatqa ushyraǵan edi.

Ushaqta bolǵan 4 adam qaza tapty. 2 adam túrli jaraqatpen Almaty qalasynyń №4 qalalyq klınıkalyq aýrýhanasyna jetkizildi.

Keıinnen Almaty dárigerleri ushaq apatynan japa shekken eki adamnyń densaýlyǵy qalaı ekenin aıtty.