Ulttyq qaýipsizdik komıteti 100 keliden asa geroındi tárkiledi

ASTANA. QazAqparat - Qazaqstan Respýblıkasynyń Ulttyq qaýipsizdik komıteti Qyrǵyzstan Respýblıkasynyń Іshki ister mınıstirligimen birge birneshe satyly arnaıy operatsııanyń nátıjesinde aýyr esirtkilerdi kontrabandalyq jolmen ákelýdiń turaqty arnasynyń jolyn kesti, dep habarlaıdy QazAqparat.

UQK jedel qyzmetkerleri jedel zerdeleý barysynda esirtki trafıkterin qalyptastyratyn elderde Qazaqstan arqyly ózge shet elderge shyǵarýǵa arnalǵan apıyn tektes esirtkilerdiń iri partııasy jınaqtalǵany jaıynda aqparatqa qol jetkizdi.

Kezeń kezeńimen esirtkini tasymaldaýdyń joldary men aılamen ákelý shemalary anyqtaldy.

Arnaıy is-sharalar nátıjesinde esirtkini ótkizýdi uıymdastyrýshynyń ózi bolyp tabylatyn sheteldik azamattyń Qazaqstanǵa keletini týraly naqty málimet alyndy.

Jedel qyzmetkerlerdiń jáne «A» Arnaıy maqsattaǵy qyzmettiń kelisilgen áreketteriniń arqasynda Almaty qalasynda 100 keliden asa geroındy tasymaldaý kezinde esirtki arnasynyń uıymdastyrýshysy ustaldy.

Materıal Sotqa deıingi tergeýdiń biryńǵaı tizilimine tirkeldi, tergeý amaldary júrgizilýde.
Halyqaralyq esirtki trafıgi arnalarynyń jolyn kesý boıynsha jumys jalǵasýda.