«Ulttyq ınnovatsııalyq qor» ınnovatsııalyq granttardyń birinshi transhyn 1,9 mlrd. teńgemen qarjylandyrdy
Baspasóz qyzmetiniń habarlaýynsha, 2011 jyly Ulttyq ınnovatsııalyq qor Indýstrııa jáne jańa tehnologııalar mınıstrliginiń tapsyrysy boıynsha, ınnovatsııalyq granttarǵa baıqaý jarııalaǵan bolatyn. Sonymen qatar, memlekettik qoldaýdyń osy quralyn júzege asyrý úshin ótken jyly 7,3 mlrd. teńge bólingen edi. Jalpy, jeke jáne zańdy tulǵalar qujattardy qabyldaý kezeńi boıynsha ınnovatsııalyq granttardy usynýǵa 679 ótinish bergen.
«Іrikteý nátıjeleri boıynsha 7,133 mlrd. teńgeniń jalpy somasyna ınnovatsııalyq granttarǵa qatysty 129 shart jasaldy. Sharttar tájirıbelik konstrýktorlyq jumystardy jáne qoldanbaly sıpattaǵy qaýipti zertteýlerdi oryndaýǵa ınnovatsııalyq granttar usynýdy, shetel memleketterinde jáne halyqaralyq patenttik uıymdarda zııatkerlik menshiktiń nysandaryn patentteýdi, ınnovatsııalyq jobanyń tehnıkalyq-ekonomıkalyq negizdeýin ázirleýdi, sonymen birge ınnovatsııalyq tehnologııalardy satyp alýdy qarastyrady. Al qarjylandyrý kestesine sáıkes barlyq jobalar kezeńderge bólinip, tólemdi tıisti transhtar arqyly Qor júzege asyrady. Osyǵan oraı 122 shart boıynsha Qor arqyly 1,9 mlrd. teńgeden asa tólendi», - delingen baspasóz baıanynda.
Jalpy ınnovatorlar eldi ındýstrııalyq-ınnovatsııalyq damytý jolynda úlken jumys júrgizýde. Bul rette Qor mańyzdy róldi atqarady.