Ulttyq ǵylym akademııasy qyzmetin qarjylandyrýǵa 500 mln teńge bólindi
«Memleket basshysynyń jarǵylyq kapıtalyna memleket júz paıyz qatysatyn «QR UǴA» kommertsııalyq emes aktsıonerlik qoǵamyn qurý týraly tapsyrmasyn oryndaý maqsatynda QR UǴA-ny qaıta uıymdastyrý boıynsha jumystar júrgizilip jatqanyn habarlaımyz. 2022 jylǵy 30 maýsymda «Ǵylym týraly» QR Zańyna QR UǴA qyzmetine qatysty ózgerister engizildi», - dep atap ótedi Ashat Aımaǵambetov jaýabynda.
Onyń dereginshe, QR Qarjy mınıstrligi QR UǴA qyzmetin qarjylandyrýǵa 511 311 myń teńge bólgen.
«Sondaı-aq, mınıstrlik QR UǴA jarǵysynyń jobasyn ázirledi jáne qyzmet túrlerin QR Básekelestikti qorǵaý jáne damytý agenttigimen kelisti. 2022 jylǵy 1 shildede Qazaqstan Respýblıkasynyń Ǵylym jáne joǵary bilim mınıstri S.Nurbek Almaty qalasynda QR UǴA Prezıdıýmymen, mınıstrliktiń Ǵylym komıtetiniń ǵylymı uıymdarynyń basshylarymen jumys kezdesýin ótkizdi. Jumys kezdesýiniń nátıjeleri boıynsha mınıstrliktiń buıryǵymen QR UǴA mártebesin ózgertý boıynsha negizgi normatıvtik-quqyqtyq qujattardy ázirleýmen aınalysatyn QR UǴA-men birlesken jumys jáne saraptama toptary quryldy. QR UǴA-ny qaıta qurý jumysy jalǵasýda», - dedi mınıstr.