Ulttyq geologııalyq qyzmet qurylady – Maǵzum Myrzaǵalıev

NUR-SULTAN. QazAqparat – Ulttyq geologııalyq qyzmet qurylady. Bul týraly Úkimet otyrysynda QR Ekologııa, geologııa jáne tabıǵı resýrstar mınıstri Maǵzum Myrzaǵalıev aıtty, dep habarlaıdy QazAqparat tilshisi.

«Qazaqstan biregeı mıneraldy shıkizat bazasyna ıe. Búgingi tańda, mıneraldy shıkizat bazasy damyǵan elder geologııa men jer qoınaýyn paıdalanýǵa ınvestıtsııa tartý úshin jaǵdaı jasaýda. Bul baǵytta belsendi jumys júrgizýde. Investıtsııa tartýdyń negizi dep joǵary sapaly geologııalyq aqparatty aıta alamyz. Osyǵan baılanysty, Ulttyq geologııalyq qyzmet qurylatyn bolady», - dedi mınıstr.

Maǵzum Myrzaǵalıevtiń atap ótýinshe, atalǵan qyzmet «biryńǵaı tereze» qaǵıdaty negizinde jumys jasaıdy.

Onyń nátıjesinde ınvestor zamanaýı formattaǵy jer qoınaýynyń úsh ólshemdi modeli qurylǵan sapaly aqparatpen qamtamasyz etiledi. Sonymen qatar, irgeli, qoldanbaly ǵylym men óndiris kúshin biriktirýge múmkindik alady», - dedi ol.