Ulttyq fılmderdiń prokatynan túsken qarajattyń 20 paıyzy memleketke qaıtarylady

NUR-SULTAN. QazAqparat – Mádenıet jáne sport mınıstrligi memleket qoldaýymen túsiriletin ulttyq fılmderdiń bıýdjetin 70 paıyzǵa túsirmekshi, dep habarlaıdy QazAqparat tilshisi.

Mundaı talap «Kınematografııa týraly» zańda kórsetilgen. Alaıda bul norma jyl saıyn, birtindep oryndalyp jatyr. Vıtse-mınıstr Nurǵısa Dáýeshov redaktsııanyń saýalyna bergen jaýabynda jańa tártiptiń qalaı júezege asatynyn aıtty.

«Zań aıasynda tuńǵysh ret ınvestorlar men jeke kapıtaldy tartý maqsatynda ulttyq fılmderdi memlekettik qarjylandyrýdyń jańa modeli engizildi. Eger osy kúnge deıin barlyq fılmder 100% memlekettik tarapynan nemese jeke menshik tarapynan qarjylandyrylsa, zań qabyldanǵannan keıin kommertsııalyq jobalar memleket-jeke menshik arasynda ishinara eki taraptan qarjylandyrylýy múmkin. Úsh jyldan keıin fılmder shyǵarý boıynsha memlekettik bıýdjetke túsetin júkteme 30% tómendelmek», - deıdi Nurǵısa Dáýeshov.

Mınıstrdiń orynbasary óz jaýabynda Ulttyq kınony qoldaý memlekettik ortalyǵy bıýdjetten qarjylandyrý úlesin birtindep tómendetý boıynsha jumys istep jatqanyn da aıtqan.

«Ótken jyly «Kınematografııa týraly» Zańǵa sáıkes qarjylandyrý 80%-dy qurasa, bıyl 70%, odan ári memlekettiń qatysý paıyzy tómendeıtin bolady», - dep jazady vıtse-mınıstr.

Ol, sondaı-aq, kıno túsirýge ketken bıýdjet shyǵyny qaıtarýdy jańa tetigi engizilgenin jetkizdi.

«Kınematografııa týraly» QR Zańy boıynsha fılm shyǵarýǵa memlekettik qoldaý alǵan jeke jáne zańdy tulǵalar ulttyq fılmderdi prokattaý men kórsetýden túsken kiristiń 20%-yn Ulttyq kınony qoldaý memlekettik ortalyǵyna aýdarady. ıAǵnı, erejege sáıkes, barlyq satylymdardyń 20%-yn Ortalyq alady, qalǵan 80% óndirýshige qalady», - delingen jaýapta.

Buǵan deıin habarlaǵanymyzdaı, Qazaqstan men Ispanııa mamandary birigip fılm túsirip jatyr.

Sondaı-aq, Nurǵısa Dáýeshov kınoǵa bólgen qarajatty ıgerýshiler qalaı irikteletinin túsindirdi.