Ulttyq ekonomıka vıtse-mınıstri Іlııas Óserov jumysynan bosatyldy

ASTANA. QazAqparat — Ulttyq ekonomıka mınıstrligi tergeýge alynǵan Іlııas Óserovti qyzmetinen bosatylǵany týraly aqparatty rastady, dep habarlaıdy QazAqparat tilshisi.

Búǵan deıin BAQ-ta ulttyq ekonomıka vıtse-mınıstri Іlııas Óserovtiń ustalǵany týraly aqparat jarııalanǵan edi. Ol iri kólemde alaıaqtyq jasady degen kúdikke ilindi.

Іlııas Óserov ótken jyly naýryzda Qazaqstannyń ulttyq ekonomıka vıtse-mınıstri qyzmetine taǵaıyndaldy.

Qyzmet jolyn 2007 jyly «Sberbank» AQ menedjeri, jetekshi mamany, ákimshisi bolyp bastaǵan edi. Túrli jyldary QR Ekonomıka jáne bıýdjettik josparlaý mınıstrliginde, QR Saýda jáne ekonomıkalyq damý mınıstrliginde, Almaty qalalyq ákimdiginde qyzmet atqardy.

2019 jyldyń mamyrynan sońǵy qyzmetine deıin Almaty ákiminiń orynbasary boldy.

Shynar Hamııtova