Ulttyq ekonomıka mınıstrligi óńirlerdiń damý trendine baǵa berdi

NUR-SULTAN. QazAqparat – Ulttyq ekonomıka mınıstri Rýslan Dálenov kórsetkishterdiń jıyntyq ındeksi boıynsha alda turǵan alty óńirdi atady, dep habarlaıdy QazAqparat tilshisi.

«Óńirlerdiń qazirgi ósim serpinin baǵalaý úshin kórsetkishterdiń jıyntyq ındeksi ázirlendi. Bul ındeks óńirlerdiń damý trendin kórsetedi. Ol 7 kórsetkish boıynsha, atap aıtqanda ónerkásip, qurylys, aýyl sharýashylyǵy, saýda, kólik, baılanys jáne ınvestıtsııalar salalarynyń jıyntyq ósimi negizinde jasaldy», - dedi Rýslan Dálenov Úkimet otyrysynda.

Al óńirlerdiń damý trendi jaǵynan Soltústik Qazaqstan oblysy jáne Shymkent qalasynda tómen kórsetkish baıqalady.

«Jyl basynan beri Qazaqstanda 1,7 mln sharshy metr turǵyn úı paıdalanýǵa berildi. Bul rette Nur-Sultan (394 myń sh.m.) jáne Almaty (171 myń sh. m.) qalalarynda, sondaı-aq Mańǵystaý oblysynda (217 myń sh. m.) eń kóp turǵyn úı paıdalanýǵa berilgenin atap ótý kerek», - dedi Ulttyq ekonomıka mınıstri.