Ulttyq ekonomıka mınıstrligi kásipkerlerdi tekserý sanyn qysqartýdy usynady
Nazar quqyq buzýshylyqtyń aldyn alý jáne eskertý ustanymyna aýdarylatyn bolady. Bul jaıynda QR UEM Kásipkerlikti damytý departamenti dırektorynyń orynbasary Aslanbek Jaqypov, málim etti dep habarlaıdy QazAqparat.
Mınıstrlik baspasóz qyzmetiniń habarlaýynsha, kásipkerlik máseleleri jónindegi sarapshylyq toptyń otyrysy barysynda ol toptyń barlyq baqylaý jáne qadaǵalaý fýnktsııalaryna tolyq taldaý júrgizilgenin atap ótti. Nátıjesinde júıeli problemalar, onyń ishinde ortalyq memlekettik organdar men JAO arasynda (tiginen) jáne bir deńgeıdegi memlekettik organdar arasynda (kóldeneńnen) baqylaý men qadaǵalaýdy júzege asyrýda qosarlanýshylyq, sondaı-aq memlekettik organdar tarapynan tekserýdi uıymdastyrý jáne ótkizýdiń belgili bir zańnamalyq tártibi bolmaýy jaǵdaıynda iske asyrylýy anyqtalǵan.
«Tájirıbe baqylanatyn organdardyń memlekettik baqylaý men qadaǵalaýdyń tıimdiligin tek júrgizilgen tekserý qorytyndysynda anyqtalǵan quqyq buzýshylyqtar sanymen ǵana baılanystyratynyn kórsetedi. Bul rette quqyq buzýshylyqty eskertý men aldyn alý jónindegi monıtorıng ótkizilmeıdi. Osyǵan baılanysty, bizdiń tarapymyzdan memlekettik organdar qyzmetin quqyq buzýshylyqtyń aldyn alý men eskertý ustanymyna beıimdeýge múmkindik beretin sharalar ázirlenýde», - dedi Jaqypov.
Ol baqylaý men qadaǵalaý organdarynyń tekserýlerdi ishinara jáne josparlaýsyz erekshe tártippen júrgizip otyrǵanyn atap aıtty. 2016 jylǵy qorytyndy boıynsha tekserýlerdiń kóp mólsheri jospardan tys tekserýlerge (60%, ıaǵnı 60157 tekserý) jáne tekserýdiń erekshe tártibine (31%, ıaǵnı, 31139) jatady. Demek, ishinara tekserýler sany (9%, ıaǵnı 7259 tekserý). Osyǵan baılanysty ol tekserýler sanyn qysqartý boıynsha qabyldanyp jatqan sharalar týraly baıandady.
«Tekseriletin sýbektilerge qatysty ishinara tekserýlerdi júrgizý tájirıbesin alyp tastaý jónindegi túbegeıli shara usynylyp otyr. ıAǵnı, ishinara tekserýlerdi aldyn alý baqylaýmen aıyrbastaý qajet. Ony qaterlerdi baǵalaý júıesi negizinde quqyqtyq statıstıka organdarynda mindetti tirkeý, sondaı-aq, sýbektiniń qatysýy arqyly iske asyrý usynylýda», - dedi Jaqypov.
Onyń aıtýynsha, mundaı tekserýlerdiń jónsizdigin boldyrmaý maqsatynda jospardan tys tekserýlerdi negizdeýdi qaıta qaraý josparlanýda.
«Qabyldanatyn sharalardyń nátıjesinde 35 protsentten asa tekserý sany qysqartylady dep boljanýda», - dedi Jaqypov.