Ulttyq ekonomıka mınıstrligi halyqtyń tabysyn arttyrý baǵdarlamasyn ázirleýde
Búgin Premer-Mınıstrdiń orynbasary – Syrtqy ister mınıstri Muhtar Tileýberdiniń shet memleketterdiń Qazaqstandaǵy elshilerimen kezdesýi barysynda Ulttyq ekonomıka birinshi vıtse-mınıstri Tımýr Jaqsylyqov Qazaqstandaǵy qańtardaǵy qaıǵyly oqıǵa aıasyndaǵy ekonomıkalyq jaǵdaı men elimizdegi sońǵy ekonomıkalyq bastamalar týraly baıandady.
«Ótken jyly ekonomıkalyq ósý serpindi traektorııaǵa shyqty. Bastapqy 3,1% boljamnan asyp túsken naqty ІJÓ 4%», - dedi T.Jaqsylyqov.
Qazirgi ýaqytta Ulttyq ekonomıka mınıstrligi Prezıdenttiń bastamalaryn iske asyrý jónindegi Úkimettiń 2022 jylǵa arnalǵan is-qımyl baǵdarlamasyn ázirleý boıynsha belsendi jumys júrgizýde. Qujatta Úkimettiń ınklıýzıvtik ekonomıkalyq ósýdi yntalandyrý, makroekonomıkalyq turaqtylyqty qamtamasyz etý, kásipkerlikti damytý jumysy naqtylanady.
Onyń aıtýynsha, QR UEM Halyqtyń tabysyn arttyrý baǵdarlamasyn ázirleýde. Osy rette kedeıshilik pen jumyssyzdyq boıynsha naqty jaǵdaıdy taldaý negizinde júıeli is-sharalar josparlanǵan.
Budan basqa, Prezıdent tapsyrmasyna sáıkes, Mınıstrlik kvazımemlekettik sala sýbektilerin túbegeıli reformalaý usynystaryn ázirleýde.
T. Jaqsylyqov atap ótkendeı, Ulttyq ekonomıka mınıstrligi elimizdegi áleýmettik-ekonomıkalyq jaǵdaıdy turaqtandyrýdyń jedel is-sharalar josparyn qabyldaǵan. Ol azamattar men kásipkerlerdiń qaýipsizdigin, olardy jan-jaqty qoldaýdy, sondaı-aq áleýmettik-ekonomıkalyq jaǵdaıdy tezirek ornyqtyrýdy kózdeıtin birqatar shuǵyl jáne qysqa merzimdik sharalardan turady.
«Bul jospar memlekettik organdardyń taıaý aılardaǵy tıisti tapsyrmalardy oryndaýyn úılestirmek. Ony iske asyrý arqyly eldegi ekonomıkalyq jaǵdaıdy jedel qalypqa keltirip, qalypty jaǵdaıǵa oralamyz», - dedi birinshi vıtse-mınıstr.
«Qańtardaǵy qaıǵyly oqıǵalar jyldyq ekonomıkalyq ósýge aıtarlyqtaı áser etpeıdi. Óıtkeni ekonomıkalyq belsendilik ýaqytsha jáne tek jekelegen óńirde ǵana buzyldy. Zardap shekkenderge, onyń ishinde shaǵyn jáne orta bızneske, jeke kásipkerlerge ári halyqqa qajetti kómek kórsetilip jatyr», - dedi Tımýr Jaqsylyqov.