Ulttyq ekonomıka mınıstri óńir ákimderine deldaldyq shemalardy tekserýdi usyndy

NUR-SULTAN. QazAqparat –QR Ulttyq ekonomıka mınıstri Álibek Qýantyrov óńir ákimderi men ortalyq vedomstvo basshylaryna deldaldyq shemalardy tekserýdi usyndy, dep habarlaıdy QazAqparat tilshisi.

Mınıstr Úkimet otyrysynda ortalyq jáne jergilikti atqarýshy organdarǵa kelesi sharalarǵa nazar aýdarý usyndy. Olar:

1.Saýda ústemelerin tıimdi baqylaý jáne deldaldyq shemalardy tekserý arqyly azyq-túlik taýarlarynyń qoljetimdiligin qamtamasyz etý;

2. Qajetti logıstıkalyq jaǵdaılardy qamtamasyz ete otyryp, egin jınaý boıynsha josparlanǵan kórsetkishterge qol jetkizý;

3. Investorlar úshin qolaıly jaǵdaı qalyptastyrý jáne olardy barlyq deńgeılerde júıeli qoldaý;

4. Qazaqstan eksportynyń úzdiksiz jetkizilýine, onyń ishinde balamaly kólik baǵyttary arqyly jetkizilýine járdemdesý;

5. Týyndaǵan saýaldarǵa ýaqtyly den qoıýdy qamtamasyz ete otyryp, qoldanystaǵy quraldar sheńberinde bızneske keshendi qoldaý kórsetý.

«Joǵaryda atalǵan sharalardy tolyqtaı iske asyrý elimizdiń ekonomıkasynyń ósýin jedeldetýge múmkindik beredi, - dedi Álibek Qýantyrov.