Ulttyq biryńǵaı testileýdi ótkizýge bıýdjetten qansha qarajat jumsalady
«Bıylǵy Elbasynyń «Bes áleýmettik bastamasynda» bilim salasyna úlken kózqaras tanytylyp, úlken kómek berilgeli otyr. Sonyń ishinde granttar sany 20 myńǵa kóbeıip jatyr. 20 myń granttyń ishinde 11 myń grantty tehnıkalyq mamandyqqa bólý qarastyrylǵan. Bizdiń aldyn ala ózin ózi tekserý baıqaý synaǵy boıynsha matemıka men fızıka pánin túlekterdiń 30 paıyzy tańdap otyr. Matematıka, fızıka pánderin tańdaǵan kezde 52 mamandyqqa ary qaraı túsýge múmkindik bar», - deıdi ol.
Ramazan Álimqulovtyń habarlaýynsha, ekinshi orynda - hımııa men bıologııa. Bul eki kombınatsııa boıynsha túlekterdiń 25 paıyzy aldyn ala testten ótken.
«Mamyrdyń 10-da ótinishterdi qabyldaý aıaqtalady. Jalpy ortasha sanaǵanda testileý kezinde BǴM óńirlerge 1800 ókilin jiberip, myń jarymǵa jýyq aýdıtorııany qoldanamyz. Tehnıkalyq taraptan da jumys jasap jatyrmyz. Ózderińiz biletindeı, byltyr birinshi ret onlaın-taratylym júıesin engizgen edik. Ol bizdiń oıymyzsha, óte ádil ári ashyq ótkizýge jaqsy kómektesti. Bıyl sol sandy kóbeıtetin oıymyz bar», - dedi ol.
Sonymen birge, Ramazan Álimqulov memleket tarapynan Ulttyq biryńǵaı testileýdi ótkizýge bıýdjetten qansha qarajat jumsalatynyn atady.
«Bul rette eshqandaı qupııa aqparat joq. Memleket tarapynan Ulttyq biryńǵaı testileýdi ótkizýge 1,5 mıllıard teńge jumsalady. Munymen qosa, sońǵy úsh jylda biz bul bıýdjetti kótermegenimizdi eskerý kerek. Al mektep túlekteriniń sany jyl saıyn artyp keledi», - dep túıdi Ramazan Álimqulov.
Aıta ketsek, bıyl 146 myń mektep bitirýshiniń 96963 myńy UBT tapsyrýǵa ótinish bildirip otyr. Olardyń 80 paıyzy, ıaǵnı 73 myńy testti qazaq tilinde tapsyrýǵa bel baılaǵan.