Ulttyq banktyń boljamdy raýndy: Brent munaıynyń barreli 60 dollar bolady
Kezdesý barysynda QR UB Zertteýler jáne statıstıka departamentiniń dırektory Vıtalıı Týtýshkın 2019 jylǵy 1 naýryzda Ulttyq banktegi kezekti boljamdy raýndtyń aıaqtalǵanyn aıtty.
Boljam 2019 jylǵy 1-toqsan men 2020 jylǵy 3-toqsan aralyǵyndaǵy kezeńge ázirlendi.
«Osy boljamdyq raýnd aıasynda biz Brent markaly munaıdyń bir barreli úshin 40, 60 jáne 70 AQSh dollary baǵasy boıynsha 3 stsenarııdi qarastyrdyq. Baǵalardyń aǵymdaǵy deńgeıin, sondaı-aq naryqqa qatysýshylar men halyqaralyq qarjy ınstıtýttarynyń boljamdaryn eskere otyryp, bazalyq stsenarıı retinde biz Brent markaly munaıdyń bir barreli úshin 60 AQSh dollaryn qarastyrdyq. Syrtqy jaǵdaılar boıynsha alǵysharttar eleýli ózgeristerge ushyraǵan joq. Syrtqy faktorlar tarapynan biz syrtqy suranystyń ósý qarqynynyń báseńdeýin kútemiz, ol saýda áriptes elderdegi ınflıatsııanyń jyldamdaýyna baılanysty boldy», - dedi V.Týtýshkın.