Ulttyq banktiń jańa tóraǵasy bazalyq mólsherlemege qatysty túsinik berdi

ASTANA. QazAqparat – Ulttyq banktiń jańa tóraǵasy Tımýr Súleımenov bazalyq mólsherlemeni tómendetý máselesine qatysty túsinik berdi, dep habarlaıdy QazAqparat tilshisi.

Búgin Senattyń jalpy otyrysynan keıin tilshiler T.Súleımenovke bazalyq mólsherlemeni tómendetý múmkindigine qatysty suraq qoıdy.

«Bir kúrdeli másele bar, ıaǵnı ınflıatsııa ekonomıkadaǵy eń qaýipti protsess desek bolady. Sondyqtan ony tómendetý mindeti tur. Atap aıtqanda, bul baǵytta tıisti jaǵdaı jasalsa, onda mólsherlemeni tómendetýge múmkin bolady», - dedi T. Súleımenov.

Bul turǵyda UB tóraǵasy birneshe aptadan keıin osy taqyrypqa qatysty tilshilerge arnap baspasóz máslıhatyn ótkizetinin aıtty.

Budan buryn habarlanǵandaı, búgin Senattyń jalpy otyrysynda Ulttyq banktiń tóraǵasy laýazymyna Tımýr Súleımenovtiń kandıdatýrasy maquldandy.

Memleket basshysynyń Jarlyǵymen Ǵalymjan Pirmatov QR Ulttyq bankiniń tóraǵasy laýazymynan bosatylǵan edi.

Eske salsaq, bıyl tamyz aınyń aıaǵynda Qazaqstan Respýblıkasy Ulttyq bankiniń Aqsha-kredıt saıasaty komıteti bazalyq mólsherlemeni +/– 1 p.t. dálizimen jyldyq 16,5% deıin tómendetý týraly sheshim qabyldady.