Ulttyq banktiń altyn-valıýta aktıvteri 1,6 mlrd dollarǵa tómendedi
«Jalpy halyqaralyq rezervter bıylǵy mamyrdyń sońynda 86,5 mlrd dollar boldy. Ulttyq banktiń altyn-valıýta aktıvteri jyl basynan beri valıýtalyq ınterventsııalar, ekinshi deńgeıli bank shottaryndaǵy qaldyqtardyń jáne syrtqy borysh boıynsha tólemderdiń esebinen 1,6 mlrd dollarǵa tómendep, 32,8 mlrd dollardy qurady», - dedi Ulttyq bank tóraǵasy.
Onyń aıtýynsha, Ulttyq qordyń aktıvteri 53,8 mlrd dollarǵa jetti. Respýblıkalyq bıýdjetke 1,9 trln teńge transfert bólý úshin bıylǵy 5 aıda 2,3 mlrd dollarǵa valıýtalyq aktıvter satyldy.
«Munaı baǵasynyń aıtarlyqtaı ósýi aıasynda Ulttyq qorǵa túsetin túsimder ótken jyldyń osy kezeńimen salystyrǵanda 3,5 esege jýyq ulǵaıyp, jyl basynan beri 2,9 trln teńge boldy. Ulttyq qordyń ortasha jyldyq kiristiligi qurylǵannan bastap 2022 jyldyń 31 mamyryna deıin 3,24 paıyzdy qurady. Sońǵy 5 jáne 10 jyldaǵy kiristilik jyldyq mánde, tıisinshe, 2, 3 jáne 1,75 paıyz boldy», - dedi Ǵalymjan Pirmatov.